دندونا اللهلوبة صاجات
-
يكتبها / طلعت الطرابيشي
- دندونا اللهلوبه فنانتنا صجات اللى ياما رعشت , وهرتنا هز ورقص ودنس على واحده ونص
ييجى أكتر من ٦٦ سنه , إلا شهرين ,
خوتانا وقاعده تزن , قال أيييييييه !
عايزه صوتها يوصل لحد
لجنة إعداد
قانون الأهوال الشخصيه الجديد , علشان ياخدو بيه .
هى شايفه ” اللهم إجعله خير ” , شكل الجواز فى مصر لازم
يتغير , لأنه بقى دقه قديمه , مش صحى ، ومش ماشى
مع الموضه !!
والمفروض إنه يتظبط , ويتفرنج , ويتمكييج ,
ويبقى سموز , وشكله حلو جميل طعم .
مفهوش أسمده ولا كيماويات
ومدته تبقى قصيره !!
صغننه خالص !!
وكله دلع , وحيويه ونشاط , مفهوش أى ملل …
وبكتيره مايزدش عن سنتين ,
حاجه كده زى جواز الفسحه , أو مسافة السكه@@ .
علشان الناس تقدر تتعرف على بعض كويس ,
ومايحصلش مشاكل , ولاخناقات ,,,
ويعيشو فى تبات ونبات , ويخلفو صبيان وبنات ….
وممكن القانون
يسمح لهم يجددو جوازهم , لفتره تانيه ,
وتالته .
” وأهو كل بثوابه ” !!!!!