إحرص على جبر القلوب.

بقلم :محمد سيد احمد

توقف الزمن لدى عندما قرأت تلك الجمله ، إحرص على جبر القلوب ولكن أى قلب أحرص جبره ، قلب الام التى سهرت الليل وقت تعبك ولا وقت لمه تكون سهران بتذ اكر ولا وقت لمه تشوف ابنها او بنتها يوم زفافها وهيا فرحانه ،ولا جبر قلب الأب لمه تعمل مصيبه أو لمه يكون مريض ومحتاج كلمه كويسه من ابنه ولا بنته ، ولا جبر قلب الاخ وقت حزنه أو مرضه ولا الاخت ولا العم ولا الخال ولا الجد .
ولا جبر قلب واحد أو وحده تعرفها أو تعرفية ومعشماه أو معشمها بالحب أو الجواز وخليت بيها و اتجوزت وحده تانيه ولا وحده فضلت تحسس واحد بالحب وأنها هتفضل معاه وظروفه وحشه ومع أول عريس معاه فلوس باعت كل حاجه .
جبر القلوب أى قلب أحرص علية
ولا تقصد جبر قلب حد فقير مش لاقى ياكل وكل يوم الاسعار بتولع ومحدش عنده رحمه بحد .
ولا جبر قلب حد نايم فى الشارع مش لاقى مكان ينام فيه فملقاش غير الرصيف ينام علية .
كلمة كبيرة اوى جبر القلوب .
طيب ليه مانجبرش قلبنا احنا الاول ونرجعه للفطرة والصفاء الى كان فيها وهو صغير. ونبعد الحقد و الغل والكراهية و السواد الى ملا قلوبنا احنا، قبل ما نفكر فى جبر قلوب الغير .