المرض النفسي ونظرة المجتمع اليه

كتبت / رانيا علواني محمد

الطب النفسي مبيقدمش حلول للمشاكل الحياتية لكنه بيعالج المشاكل دي لو المتسبب فيها هو المرض النفسي. الطب النفسي مش جلسات فضفضة آه الدكتور لازم يسمعك باهتمام بس دوره الأول والأهم هو تشخيص وعلاج الأمراض النفسية -عن طريق الأدوية النفسية- لأنه في الأول والآخر فرع من فروع الطب بيركز على دراسة وتشخيص وعلاج الأمراض النفسية وما يتصل بها من أعراض مرضية ممكن تأثر على السلوك والوعي والمزاج والإدراك ومحاولة الوقاية منها ، ومن هذه الامراض النفسية الوسواس القهري مرض و بيحصل فيه تغيرات في كيميا المخ يعني لا بيتعالج بالقرآن ولا بالرقيه الشرعيه و مش معني انك عندك وسواس انك بعيد عن ربنا و ولا بيتعالج بالشيخه سوسن المغربية ولا لبيبه التونسيه ومش نتيجة سحر او حسد ، ولا بالتنمية البشرية ولا بالعلاج بالطاقة ولا باختراق اي مجالات

و ماحدش يضمن انه يخف بالعلاج السلوكي من غير دوا و الدوا بيكون حسب الحاجه بناء علي قرار الطبيب و بعض الحالات بنكتفي بالعلاج السلوكي بس ده بناء علي الحاله مش بناء علي رغبة المريض او الأهل ، ومع هذا تظل نظره المجتمع العربي والعالم الثالث عموماً نظره سوداويه للطب النفسي, مع إن المرض النفسي مرض مثل الأمراض العضويه !
القلق والاكتئاب التوتر التردد كلها أمرض نفسيه , نعم مرض نفسي نصاب به كلنا, ولا أحد فينا ما قد اصاب بواحد منهم
مما يعني إننا كلنا نقع تحت ضغوط تجبرنا أحياناً بتغيير عقلياتنا حتى لو كانت لفتره وجيزه .
أسباب الخوف من الطب النفسي كثيره ومنها :
الجهل , مع تقدم الطب عندنا يظل الطب النفسي في حاله من الجهل وظن الناس أنه فلسفه وليس علم ،
الاعتقاد بان الطب النفسي للمجانين بس, وهذي تقريباً هي السبب الرئيسي للخوف من الطب النفسي , مع أن الجنون والاضطرابات النفسيه الشديده ،
الخوف من إنه يقال ” فلان مريض ” ويؤثر على أهله ونظره الناس للعائله لكن اللي ما نعرفه إن سرية الطبيب النفسي غير عن باقي الطب ، و الدوا النفسي مش بيجنن ولا بيخليك مدمن ولا بيجيب عقم ومش معني انك بتاخد دوا نفسي انك هتستمر عليه طول عمرك
المرض النفسي مرض زي اي مرض ليه علاج و العلاج بناء علي قواعد علميه
الدوا النفسي دوا زي اي دوا ليه جرعات و فاعليه و اثار جانبيه و معمول عليه أبحاث كتير
كفايه تجاره بجهل الناس و كفايه فتاوي ..