أسنانك غالبا هتكون السبب الرئيسي في ظهور رائحة غير لطيفة من الفم خاصة في رمضان، وده بيأثر على جودة يومك وتعاملك من الناس بشكل عام؛ عشان كده محتاج تتعلم ازاي تحافظ على انك تكون رائحة فمك نظيفه 👌
١- اغسل أسنانك بالفرشاة بعد كل وجبة خاصة بعد السحور وقبل النوم، وكمان بعد ما تصحى من النوم، واطمن معجون الأسنان مش بيفطر المهم متبلعوش
٢ – استخدام الخيط الطبي واللي هيمنع تجمع الاكل بين اسنانك ودي مناطق صعب توصل لها بالفرشاة، وبالتالي منعت تجمع الكل وضمنت نظافة فمك
٣ – استخدم المضمضة أو غسول الفم حتى لو نص كوباية ماية ب ملح واتمضمض كويس كده عشان تضمن رائحة فم سليمه
٤ – لو عملت كل ده ولسه عندك رائحة فم غير جيدة؛ فغالبا عندك تسوس عميق محتاج تعالجه او جير متجمع ع اسنانك محتاج جلسة تنظيف، ف هتحتاج تزور عيادةأسنان
كمان ممكن تكون مشكلة فى الأنف أو الحلق يبقى تراجع عيادة أنف وأذن وحنجرة
: د السعيد هباله
استشاري الأنف والأذن والحنجره
