الوالدين اما دمار او سند .. بقلم – غادة فؤاد
/ الوالدين إما دمار أو سند بقلم .. غادة فؤاد
يمكن ناس كتير أتكلمت عنهم بس سبونى اقولكم حاجة مختلفة الوالدين مش ديما تعريف واحد او احساس واحد اصل مش كل الوالدين زى بعضهم لانهم بشر بلاش نتكلم بقاعدة صرفية بحتة أن الوالدين ملائكة منزلة من السما وإلا ماكناش شوفنا الوالدين اللى تسببوا فى موت ولادهم عشان ضائقة مالية ومن قلة ايمانهم قالوا نريحهم من الجاى وماكناش نشوف الوالدين اللى تسببوا فى قتل ولادهم عشان تجارة غير مشروعة او علاقة حب غير مشروعة كل دول أباء و امهات الوالدين اللى بيبعوا ولادهم عشان الفلوس واللى بتاجروا فى المخدرات ودخلوا ولادهم فالكار كل دول والدين على فكرة ، وفى والدين بتشيل على كتفها حتى لو كانت الأم ممكن تعمل زى الرجالة عشان تأكل ولادها حلال وفى أمهات بتبيع فالشارع عشان تأكل ولادها برزق حلال وفى أبهات بتمسح الجزم فعز الشمس وفعز البرد عشان ولادهم يشبعوا ويتعلموا ، فى والدين بيعرفوا يصاحبوا ولادهم وفى والدين كل همهم انهم يعلموا ولادها بالترهيب وبالرعب ويعيشوا معاهم الأمر الناهى السلطان المتسلط وبس وفى أمهات مش بتركعها وفى أمهات مش بتفوت الفرض وخصوصاً الفجر عشان بس تدعى للولادها وتصحى قبل الفجر عشان عرفت ان ربنا بينزل يسأل هل من مستغفر أغفر له هل من تاب أتوب عليه هل من سائل لعطيه تصحى بس فالوقت دا عشان تتطلب التوبة والغفران ليها ولولادها ولما تيجى تسأل ربنا حاجة تسمعها بتدعى لولادها وبس بتدعى ربنا بكل جميل لولادها وتنسى نفسها ولو تسألها تقول ما انا كدة بدعى لنفسى وفى نفس الوقت اللى الأم دى بتصلى وتدعى وتصحى عشان تتطلع الصبح لشغلها وشقى اليوم يبدأ فى أم بتشتغل راقصة بتبقى لسه راجعة من شغلها وتقولك عشان عيالى انا مش بعيب فى حد بس قولت من البداية مش كل الوالدين واحد الأم والأب اللى يطبطبوا بحنان وحتى لما يضربوا يضربوا حب وخوف غير اللى يطبطبوا دلع لدرجة الفساد وغير اللى يضربوا قسوة وعذاب وعارفة ان البيئة والمجتمع ليهم تأثير بس الأمومة بالفطرة يا سادة الأم حقا مدرسة ان أعدتها أعتد شعب طيب الأعراق فى والدين سبب فى تدمير أسرة جديدة بأجبارهم لابنهم او بنتهم يتجوزا ناس لا وجود لاى مودة او رحمة بينهم فينتجوا زوجين كارهين بعضهم وينتجوا حياة أسرية مميتة ويمكن ينتجوا طلاق ويمكن ينتجوا تدمير فى نفسية اولاد الأسرة الجديدة دى ويمكن ينتجوا زوجة مقهورة عايشة مغلوبة على أمرها مع واحد مش طايقاه بس عشان ضغطهم او هروب منهم ( والديها ) ويمكن تنتج زوج ضعيف الشخصية او زوج ظالم او أب جديد قاهر لولاده بيعوض نقصه طولت عليكم بس فى النهاية عايزة أوصلكم بلاش لما تسمعوا من ابن او ابنه أنهم موجوعين من والديهم تقولو عليهم دول كفرة لا دول ممكن يكونوا مدبوحين وماشين بيطلعوا فالروح والسبب الوالدين
الوالدين أوقات بيكون اكبر منابع الظلم للبشرية وأن كان فى الأغلب هم أكبر منابع الجمال والعظمة بعد الله عز وجل