كانت حبيبتي. ايوه كانت

كانت حبيبتي. ايوه كانت

كانت تقولي. انت عمري

وكنت ارد. انت قلبي

كانت تصبح. كانت تمسي

اقول لنفسي موش ممكن انسي

تقوللي انت ساكن ف قلبي

من يومها شوفنا الفرحه ف عنينا

وياما رحنا. وياما جينا

نسبق طريقنا ويا الخطاوي

نحكي الحكاوي ونقول غناوي

وضحكه دايما ع الشفايف تدي الامان

وهمسه حايره عند الوداع والسلام

وحضن ايد تحضن في ايد

وتقول سلام

كانت حبيبتي. ايوه كانت

كانت تقوللي من غيرك انت

ماقدرش اعيش

يرد قلبي بعدك. مافيش

وعشنا نحلم احلام جميله

في كل ليله

والليالي. اه م الليالي كانت طويله

وفجأة هجرت من غير معاد

وضاع هوانا زود اسايا

والدمع صاحب عيوني دبل جفوني

وكل يوم اقول لعقلي ليه كل ده

ويرضي مين م الاحبه يرضي بكده

يرد قلبي انسي الليالي والأماني

اعتبره حلم مر. ف ثواني

كانت حبيبتي ايوه كانت

و النهارده هانت عليها عشرتي

خدت معاها فرحتي

وسابتلي همي ودمعتي

راحت وراح كل هوانا من غير معاد

سابتني اصاحب طول الليالي والسهاد