احساس أول شعرة بيضا … بقلم .. غادة فؤاد

أحساس أول شعرة بيضا
بقلم .. غادة فؤاد
أحساس غريب تحس انك موجوع وخصوصا لو ست بتحس انها صدمة يمكن الشيبه عند الرجل وقار فى رجاله كتير بتفرح بالشيبة بتحسها هيبة وكمان بتضفلهم جمال لا ينكر وكمان بيحبو اول كام شعره بيضا تزين رأسهم من قدام وكانه تاج لانهم عارفين ان البنات بتحب الكام شعرة دول بس الست على النقيض تماما بتحس ان عمرها أتسرق حتى لو كانت عاشت كل حياتها ترف ودا صعب تلاقيه فى مجتمعاتنا الشرقية ديما الست الشرقية تعبانة من يوم ما جات الدنيا وعليها حمول كل اللى حواليها فتحس انها لسه بدرى ان تكبر وكمان فى ستات بتتوجع مع اول شعرة بيضا تشوفها ظهرت فى رأسها وكأنها حاجة تعيبها بتخاف بتخاف من نظرة الناس ليها وبتخاف على جوزها ومن جوزها وبتخاف من بكرة بتحس انه مش بس تغير لون لأ دا تغير حياة كبرت بقا يمكن أسرع من جوزها وفى بنات لسه فالعشرينات لكن ظهرت أول شعرة بيضا اتوجعوا أوى وسهروا يفكروا ليه نشيب بدرى كدة يمكن عشان الهموم عليها بزيادة كبرت بدرى عن العادة فى النهاية الأحساس بيختلف كلاً حسب شخصيته وحسب ظروفه وحسب الناس اللى حواليه ودول بقا أهم دافع لأى أحساس الناس ديما هما دافع احساسينا ايا ماكانت بس نصيحة منى السن والعمر عمرهم ماكانو بلون الشعر فى ناس كل شعرها أبيض تشوف وشها البشوش وروحها تعرف انهم لسه شباب الشباب فالروح والقلب وفى ناس تكلمهم تحلف جواك انهم ميتين من سنين روحهم ماتت وقلوبهم كمان ماتت ابتسامتهم ماتت وكانهم قبر لشخص وانت قاعد قصاده الناس مش كل حاجة ولا اهم حاجة انت المهم و روحك الأهم وقلبك و أحساسك و ضحتك كل دول الأهم وبس