نزل وزنك … بقلم دينا منصور

نزل وزنك … بقلم دينا منصور
عشان تنزل وزنك في تلات حاجات لازم تاخد بالك منها وهما : الغذاء الصحي، التمرين والمكملات الغاذئية

اول هام: الغذاء الصحي

جسمنا قلوي…. لو الحموضه زادت فيه الاكسيجين في جسمنا يقل وبالتالي درجة الحرق

يعني من الآخر لازم تبعد عن اي اكل فيه حموضه وتاكل اكل قلوي

طب ازاي؟

الأكل القلوي ممكن يكون اي خضار ورقي اخضر يعني الشبت والبقدونس والكرات والجرجير الخ….. المياه المعدنيه برضه قلويه…. بياض البيض والجبنه القريش قلوي جدا…. الشوفان كمان قلوي… الصلاه والعباده بتخلي جسمك قلوي سبحان الله

الاكل اللي فيه حموضه: القهوه والشاي واللحوم وبعض انواع السمك واي اكل مطبوخ او مقلي…. كمان السجاير بتجيب حموضه

طب هتقول ازاي اكل لحوم وهي فيها حموضه ؟ اشويها او اعملها بالبخار وكل معاها خضار اخضر ورقي كتير عشان تعادل الحموضه اللي فيها

القهوه بتديك نشاط في التمرين وبتعلي الحرق لكنها بتجيب حموضه متكترش منها

كل خمس وجبات صغيره في اليوم كل اربع ساعات متكونه من بروتين صحي قد كف ايدك ونشويات مركبه زي العيش السن او العيش البني…. الرز المسلوق …. المكرونه المسلوقه بدون زيت وبدون اي اضافات

لازم تضيف لوجباتك الدهون الصحيه اللي فيها اوميجا 3 بس قلل جدا في استخدامها زي زيت عباد الشمس وزيت الزتون والفول السوداني

تاني هام: التمرين للمبتدئين

مفيش واحد وزنه تقيل يقدر يجري او يلعب ايروبيكس ويتنطط فتره طويله…. اولا خطر عالمفاصل …. ثانيا مش هيقدر يكمل حتى لو مجاتلوش اصابه التمرين هيكون مرهق جدا

طب ايه الحل؟

سوائا كنتي ست او كنت راجل…. الحل انك تشيل وزن تقدر تعمل بيه 8 تكرارات بالعافيه او 10 بالكتير ….. وتمرن جزء من جسمك كل يوم بالحديد وتاخد يومين راحه من التمرين في الاسبوع

يعني مثلا يوم كتاف وباي…. يوم ضهر وتراي…. يومين رجلين لو انتي ست …. ويوم بطن

بعد التمرين اتمشى مشي سريع عالمشايه لمدة نصف ساعه

تالت هام: المكملات الغذائيه

المكملات بتساعدك تخس وانا مقصدش ادوية التخسيس اكيد كلكم جربتوها وملحظتوش فرق

يعني ايه مكمل؟ هو بيكمل الغذاء الناقص في غذائك… عشان من غير غذاء صحي ومتكامل حتى لو كان قليل جدا في السعرات الحراريه مش هتخس….

اول حاجه مع التمرين والنظام الغذائي السليم اللي اتكلمت عليهم قبل كده لازم تاخد

1، واي بروتين خالي من الدهون والنشويات ويكون فيه جلوتامين عالي لأنه بيلين العضلات وتاخد ده بعد التمرين حتى السيدات

2. امينو بس يكون كويس قبل التمرين

3. زيت كبد الحوت تلات مرات يوميا حبايه في كل مره

بس كده دي الاساسيات متنسوش عجة الشوفان مع بياض البيض عالفطار بنقطة زيت زتون

بقلم / دينا منصور