محلاها عيشة الفلاح………….بقلم ابن بني مر//د عادل عبد الناصر حسين
محلاها عيشة الفلاح………….
كان يا ما كان
بيقولو محلاها عيشة الفلاح
ودة كان غش وخداع
عشان البلهارسيا اللي معششة جوة الفلاح
وكرباج الباشا اللي كان هو الكلام والسلام
لكم دوام الحال من المحال
فكان طلوع النهار مع ناصر الثوار
وكان توزيع الارض هو الحل والمفتاح
وصبح في كل قرية مدرسة
بعد ما انتهي عصر كتاب الشيخ حسان
وشربنا المية الحلوة بعد الزير اللي كان
وصبح العمدة يتساوي مع عم برهام الفلاح
وانتهي الكلام اللي بيقول
اكل الفلاح تفاح يتكرع بتاو
وصبح الكلام بيقول
اكل الفلاح العلم يطلع كل يوم
مهندي ودكتور ومحام
وواللة محلاها عيشة الفلاح
بس عيشة العلم والنور زي ماقال
ناصر زعيم الثوار