افتح التلاجة كده واسأل نفسك سؤال بسيط:
إنت اللي بتختار أكلك… ولا الترند هو اللي بيختارلك؟

كل يوم بنصحى على نظام جديد:

النهارده كيتو، بكره صيام متقطع، بعده “امنع العيش”، وبعده “البيض بيموّت”…
وفجأة لقينا نفسنا في حرب مع الأكل، مع إن الأكل المفروض يبقى صاحبك مش عدوك.

المشكلة مش في الأكل.
المشكلة إننا نسينا نسأل السؤال الأهم: “هو جسمي أنا محتاج إيه؟”

أصل جسمك ليه بصمة زي بصمة إيدك بالظبط. اللي نفع صاحبك ممكن يتعِبك إنت.
واللي خسس البلوجر في شهر، ممكن يدخّلك انت المستشفى.

احنا  مش هنديك ورقة دايت تمشي عليها وخلاص.
هنرجّع العلاقة بينك وبين الأكل لأصلها: علاقة فهم واحترام، مش حرمان وخوف.

معانا د. زينب سمير، استشاري التغذية العلاجية، هتفكّ لنا شفرة الترندات واحدة واحدة…
وهنعرف سوا: إمتى الكيتو يبقى دواء، وإمتى يبقى خطر؟
البيض والدهون الصحية… بريئين ولا مذنبين؟
وليه الهرم الغذائي اللي حفظناه في المدرسة مبقاش صالح لكل زمان؟

لو يهمك صحتك، ومزاجك، وطاقتك، وعلاقتك بالمراية كل يوم الصبح…
يبقى الحلقة دي معمولة علشانك.

يلا نبدأ، ونشوف: بناكل صح… ولا إحنا ضحية ترندات التغذية؟