مع السنة الجديدة هنفتح المزاد .. غادة مبارك
مع السنة الجديدةهنفتح المزاد
هطلع م المدكن وأنفع العباد
هنا ڤازات ثمينة قطع فنية راقية
مابقاش لوجودها داعي
خزف مطعمة مطلية دهب وفضة
ايه قيمتها
لو مالكها غاوي الورد الصناعي؟!
وهناك في كرسي مدهب
خشبه من المتين
ياما شال حمول تقيلة
وكان زي استراحة وبر أمان
ومرسي للناس الغرقانين
هنا قسم الأنتيكات والنفائس والتحف
أيم علي مبادئ وصفات من الجميلة
اللي في عالمنا ده بنسميها سخف
تاخدها دي ببلاش!
ولا أقولك بلاش
واسمع مني نصيحة
أحسن حالك يقف.
بتبص ليه بعينك علي العتمة البعيدة
في الشمال المنزوي
أوعي تقرب عليها
دي حاجات ماهش لطيفة
وذكريات مخيفة
حبة جروح بتنزف
صحيح مقفول عليها بس بتوجع أوي
دق الجرس يا بيه
ألا دونا ألا تريه…هبيع بأي سعر
نفس سمحة وطَيِّبة
عاشت سنين حياتها
بتزرع في المحبة
تروي الأرض وترابهامن روحها حبة حبة
لكن وقت الحصاد
واجهت مصير هنادي لما راحت في الوبا