حقيقي الرئيس السيسي أصدر تعليمات بمنع الواسطة ..لكن سيادة الرئيس لا يعلم أنه تم تقنين الواسطة والمحسوبية بطرق أخري ومازالت ساريه في كافة قطاعات الدولة ويتم التحايل بطرق مختلفة ..فمثلاً خريج تجارة E بتقدير جيد جدا مرتفع واجتاز كل امتحانات أحد البنوك الوطنية الكبري وتم تجاهله في حين تم اختيار من هو أقل منه تقدير وعندما حاول الاستفسار عن السبب قيل له اسمك مسجل علي السيستم ولكن ليس لك اوراق وليس لك تقديم مرة أخري.
وبالاستفسارمن مكتب رئيس البنك كان رده كالتالي ايه يعني ورقه مش موجود مش مهم هاتي البيانات قلت خير واعطيته البيانات ..مستبشرة خيراً خاصة أنني قلت له انا عايزة حق ربنا اذا كان ملوش حق ماشي أنا مش طالبة واسطة ولا حاجة أنا أصلا ضد الواسطة ..
وفي اليوم التالي كان الرد هو صحيح نجح في كل حاجة بس في المقابلة الشخصية لم ينجح صمت ولم انطق ..وبعدها ارفق بهذاالكلام الرد التالي ويمكن يكون المنطقة السكنية اللي هو فيها مش عايزة اويمكن مفيش فيها فروع للبنك ..
وهنا أتساءل هو موفقش في المقابلة الشخصية ولا البنك ملوش فروع في المنطقة السكنية ولا البنوك اللي في المنطقة مش عايزة موظفين جدد ..
وهنا أقول لسيادته يا سيدي هذه الامتحانات كانت لبرنامج تدريبي لمدة ستة أشهر بعدها يتم التعيين فما تقوله سيادتك دليل علي انك تنهي الرد علي استفسارنا منك هذا شق الشق الآخر ..عندما ترد علي استفسار وهذا حق مواطن مصري يجب أن يكون من خلال مستند أما انكم تتجاهلون المواطن بهذه الطريقة وتقول هو كده وانا اخدت اللي أقل منه في التقدير علشان في المكان اللي هو فيه في بنوك ولا لاي سبب ..
طيب عايزة اقول لسيادتكم أن المنطقة السكنية اللي هو فيها مليانه فى ع للبنك واسال كده سكان المعادي عندهم بنوك لاهل مصر ولا لا هتلاقي كتير ..
كفاكم تحايل علي قرارات الرئيس كفاكم ظلم لاهل مصر كفاكم ..خافوا الله
للعلم سيادة الرئيس نفس الشيء حدث مع خريج لأكاديمية البحرية بتقدير امتياز مع مرتبة الشرف وكمان حاصل علي ماجيستير بنفس التقدير والسبب أنه تقدم لنفس البنك كمواطن مصري بلا واسطة واجتاز كافة الاختبارات ..ماذا اقول لا اداري
سيادة الرئيس ما يحدث في كل القطاعات هو بالضبط ما يحدث في الاعلام المصري واختيار ناس دون المستوى المطلوب والسبب أنه يعرف عسكري ولا شاويش ..وايضا اقول كفاكم دمرتم البلد بسبب الزيف والكذب والخداع واختيار من هم دون المستوي
