مصر بتدفع ثمن عدم خضوعها لجماعة إرهابية مجرمة ، مصر بتدفع ثمن إجهاضها لمخطط أمريكا وقطر وتركيا ، جيشنا اختار إن هو اللي ياخد الضربة في صدره بدل سيادتك ، أختار إن هو اللي يبقى على خط النار وفي المواجهة بدالك علشان حضرتك تنعم بحياة كريمة وأمنة ، مش بس كدة كمان الجيش بيبنيها ويعمرها في الداخل بعد ماكانت خربانة ومنهارة ومنهوبة بقالها عشرات السنين .
لازم الناس تستوعب حجم التحديات الداخلية والخارجية اللي البلد بتمر بيها من حصار اقتصادي خانق واستهداف للسياحة وتحالف من اللصوص والفاسدين والمحتكرين وجماعات إرهابية متطرفة تسعى للانقضاض على المجتمع ودول تنفق ملايين الدولارات من أجل استهداف أمن مصر القومي ، ده غير الناس الموجودة وسطنا بتحبطك وتهزمك نفسياً ونفسهم يشوفوا البلد بتقع وكارهين أي شىء إيجابي يتحقق.
كل دي أسباب تدعوك لدعم مصر وجيشها ومؤسساتها في لحظات من أخطر مايمكن ، خلينا نشوف إيه اللي بيجمعنا ونبقى إيد واحدة ونترك خلافاتنا على جنب دلوقتي .
يا مصريين اوعوا تخافوا أو تنكسروا أو تهتزوا ايوه علينا حصار اقتصادي عشان نركع ونموت لان مصر عصيه علي الخونه والارهاب والاحتلال وان شاء الله مصر لم ولن تركع أبدا لغير الله وحده طول ما احنا متحدين وقلبنا علي قلب رجل واحد مع جيشنا وشرطتنا وقيادتنا وريسنا.
هنشد الحزام ونعيش علي قدنا ونزرع ارضنا ونبني بيوتنا ونحمي بلدنا واللي يفكر يأذي بلدنا هناكل قلبه بسنانا ,, اوعو تسمحو لاي دوله في العالم تكسر عينكم او تحولكم لعبيد لها مهما كلفكم الامر ..
لا عاش ولا كان اللي يفكر يعمل في المصريين كده .. انتو فاهمين يعني ايه مصر ؟؟ ان شاء الله ربنا هاينصرنا بس اصبروا – اصبروا – اصبروا واعتصموا بحبل الله جميعا ولا تفرقوا
محمد شاكر فاروق
