لعنة الفراعنه ..بقلم / الهام فاروق اليماني
نفس السلميه اصابات الشرطة الامريكيه وحرائق السيارات والاشتباك مستمر وكمان حرق مقر الحزب الوطني قصدي الجمهوري الامريكي
والشعب المصري يطالب الحكومة الامريكيه بضبط النفس
وكمان عاشور بتاع الكهرباء بيقول لاوباما naw
والشعب المصري ينادي بالحريه والديمقراطيه لامريكا
وطبعا احنا بنأيد مجيده الامريكيه ونؤكد سلميتها
الشرطة الامريكيه تتعامل بمنتهي العنف و الوحشية تقتل وتعذب وتعتقل المتظاهرين السلميين وتقريبا مش عندهم مراكز ودكاكين لحقوق الانسان لو محتاجين نبعت لكم رجالتكم من عندنا
وبعدين بعد انسحاب الشرطة ونزول الجيش مفيش برادعي ولا اخوان ولا نكسجيه يقولوا يسقط حكم العسكر ولو مفيش نبعتلكم ٦ ابليس تدريبكم وفلوسكم انتم اولي بها هيعملوا احسن مظاهرة بالملابس الداخليه وعلياء مهدي من غير ملابس تشجعهم
ولو محتاجين اعلام جاهز للهدم ومؤهل لاشعال البلاد ولا يسمع عن كلمة ضمير او مهنيه عندنا شويه منهم نبعتهم اصلي انا عرفه ان الاعلام الامريكي كله يعمل بخريطة توجيهات الاجهزة المخابراتيه و الامنيه عندكم لتوجيه شعبكم لما يحقق مصالحكم فقط
اه صحيح نسيت أسألكم عندكم شوية ورد الجناين ولا نبعتلكم مسجلين خطر وبلطجية وشباب ضائع تافه مدرب عندكم يبيع دم اهله بدولار او بنت حلوه من عندكم جاهزين اتعودو منكم انهم يقبضوا ويحرقوا ويقتلوا ولو مات منهم حد اعملوه شهيد ولابد من ان يتم صرف تعويض له من احتياطي الدولة ومعاش لاهله وشارع بأسمه وامه تقول عاوزة حقه بعد ما قبضت تعويض ومعاش وتقول انا ام الشهيد انا ام البطل تاخد الديه وتتصور علي الفضائيات
