أكد عصام صبري أن ما يحدث في إسرائيل مجازر بشرية لا يمكن السكوت عنها، مطالبا العالم بكل مؤسساته سرعة التحرك لوقف إطلاق النار فورا.
وأضاف “صبري” في برنامجه ” الخامسة مساء المذاع عبر قناة الحدث اليوم: ” ضحايا أبرياء كل يوم.. بيوت بتتهد على اللي فيها كل يوم..أطفال بتستغيث كل يوم.. نساء بتصرخ كل يوم .. رجال بتبكي كل يوم.. ولا حياة لمن تنادي.. العالم صامت على العدوان.. دول معينة بتدعم إسرائيل.. محدش راضي يسمع صوت العقل.. محدش راضي يختار طريق السلام .. بس رغم كل ده .. كلنا والله بنحي أبطال فلسطين”
وتابع:” بنحي الأبطال اللي صامدين لغاية دلوقتي قدام جيش وأسلحة وعتاد.. بنحي الأبطال اللي متمسكين ببلدهم وأرضهم .. بنحي كل أب ودع ابنه شهيد.. وكل أم قدمت ابنها علشان وطنها.. وكل ابن اتحرم من أبوه .. وكل بنت مش هتشوف أمها تاني تحية لكم كلكم.. مستجدات محزنة في المشهد الفلسطيني .. وكل يوم عدد الشهدا بيزيد.. وكل يوم عدد المصابين بيزيد . وهنا بنقول تحية لمصر الشقيققة الكبرى لكل البلاد العربية .. اللي استقبلت عدد من الجرحى والمصابين للعلاج.. وهي دي مصر .. وهي دي مواقف مصر”.
