بقلم شاعر الزجل د عادل عبد الناصر حسين
ادام ضريح الزعيم
انا خايف اعدي من ادام الضريح
فيسالني ناصر الزعيم……..
عملتو اية من بعدي في اربعين من السنيين
وكنت خايف يسألني عن الغلابة والمساكين
اللي عايشين في الدنيا من غير امان ولا تأمين
زي ما كانو ايام ناصر الحبيب
ولا يسألني عن حسني بطل الطيارين
الي حولها لعزبة لبتوع مارينا الحراميين
ولا احوال مصر الزعيمة اللي صارت من الطراطير
ولا سينأ اللي اتحولت من منزوعة السلاح لمنزوعة الامان
بفضل جماعة الارهابيين
عشان كدة قلت امشي بعيد عن الضريح
وانسي كلامي واعيش مستريح
في مجتمع الطبل والزغاريد والفضل
لمبارك زعيم مارينا النصابين
