كوباية شاي في العصرية تحت التوتة – كتبتها – غادة مبارك
كوباية شاي في العصرية تحت التوتة
ورواية في ايد احلي صبية تسرح وتعيش الحدوتة
في عنيها المستقبل وردي والدنيا براح
لاهي خايفة من الجاي ولا لسه عندها شئ راح
بتشوف حكايتها في احلامها ماهي لسه عمرها قدامها
في دماغها كتير هتروح مشاوير بتخطط وبترسم بكرة المليان بالخير
ايام عدت وسنين فاتت وحاجات في القلب كتير ماتت والحلوة بقت شابة عفية
واخداها الدنيا في دوامة احداث وحاجات حصلت يامة
سابت علي ملامحها علامةبالبسمة الحلوة بتهزمها
وبترمي الهم في اوسع بير
في ساعات بتكون بتموت من الخوف لكن قادرة انها تتحدي اي ظروف
طول ماهي عايشةبتتعلم وبتسمع وتشوف
ولاعمرها يأست ولاحزنت ماهي فهمتها
ايامنا دول دوارة أوي وده شئ مألوف
حلفت بالله وبدينها ماتسيب اوجاعها تقسمها
قلبها اخضر رغم الاحزان جواها براءة بنوتة
لساها بتعافر وبتضحك بحياتها راضية ومبسوطة.
مساءكم اصرار وتفاؤل يا غاليين
