مذكرات بطل من خير اجناد الارض في ثورة 30 يونية – بقلم / الهام اليماني

حديث بطل مصري منذ ٥ سنوات وفى مثل هذا اليوم ..
لن أنسى هذه المكالمة التليفونية . التى أعتبرها من أهم أسباب نجاح ثورة ٣٠ يونيه .

بالمناسبة ده شغلى ومجهودى المنفرد بعيدا عن صناع القرار آنذاك .
جرس موبايلى بيضرب . ويظهر اسم اشهر مذيعة وقتها على اشهر قناة .
هى : ازيك يا سيادة العقيد .
أنا : ازيك يا استاذه . اخبارك ايه .

هى : الحمد لله . هيه طمنونا هتعملوا ايه يا رجاله . الشعب كله هينزل . هتسيبونا لوحدنا ولا هتعملوا ايه ؟؟؟
أنا : رجاله الجيش عمرهم ما سابوا الشعب يواجه الخرفان ولا الفاسدين لوحده .

هى : احنا ناويين نقعد فى الخيم فى التحرير طول شهر رمضان . ونصلى التراويح فى الميدان . احنا بالنا طويل قووووى .
أنا : يا استاذه أول ما الجيش يشوف الناس كلها نزلت تعبر عن حريتها وانها رفضت الخرفان . أكيد هتلاقوه جنبكم وحواليكم وهيحميكم .

هى : خلاص احنا ناويين نقعد شهر رمضان كله .
أنا : يا استاذه مش هتحتاجوا شهر لاستدعاء الجيش يساندكم . اصبروا بس ٣ أيام . ايوه ٣ ايام بس . كافيه .

هى : بجد . هو مين اللى بلغك بالكلام ده .
أنا : والله مافيه حد . بس انا متأكد من احساسى وعارف ان الجيش مش هيرضى ان حد يتعدى عليكم او يقتل فيكم . وهنفديكم بروحنا .

هى : الله عليكى يا بهيه . ربنا يخليكم لينا .

وهنا انتهت المكالمة التليفونية .
قامت الثورة يوم ٣٠ يونيه . وبعدها بثلاثة أيام أصدر الجيش بيانه الأول .

يارب أنصر مصر وجيشها .
ووفق قادتها لما فيه الخير لشعبها الطيب الصبور .
اللهم ارفع الكرب والهم والغم عن شعب مصر وأصلح حالنا .
يارب عليك بالخرفان وكل من يتعاطف معهم .
رسالة منقولة من خير اجناد الارض
بقلم / الهام اليماني